ကမ္ဘာ့လူကြည့်အများဆုံးပွဲမှာ တရုတ်စက်ရုပ်တွေ ကွန်ဖူးကစားပြ

တရုတ်နည်းပညာကုမ္ပဏီကြီးတွေဟာ ပြီးခဲ့တဲ့ တနင်္ဂနွေနေ့က ကျင်းပတဲ့ တရုတ်နှစ်သစ်ကူးပွဲတော် (Spring Festival Gala) မှာ သူတို့ရဲ့ AI နဲ့ စက်ရုပ် နည်းပညာတွေ ဘယ်လောက်တောင် တိုးတက်နေပြီလဲဆိုတာကို ကမ္ဘာသိအောင် သက်သေပြလိုက်ပါတယ်။ အမေရိကန်က Super Bowl လိုမျိုး ယဉ်ကျေးမှုအရ အရေးပါပြီး လူကြည့်အများဆုံးဖြစ်တဲ့ ဒီပွဲကြီးမှာ Unitree Robotics၊ Galbot၊ Noetix နဲ့ MagicLab တို့လို ထိပ်တန်းကုမ္ပဏီ ၄ ခုက သူတို့ရဲ့ လူပုံစံစက်ရုပ် (Humanoid Robots) တွေကို ပွဲထုတ်ခဲ့ကြတာပါ။

ပွဲမှာ အမိုက်စားဆုံးကတော့ Unitree Robotics ရဲ့ စက်ရုပ်တွေပါပဲ။ သူတို့ရဲ့ G1 နဲ့ H2 စက်ရုပ်တွေဟာ သမိုင်းမှာ ပထမဆုံးအကြိမ်အဖြစ် လူသားထိန်းချုပ်မှုမပါဘဲ (Fully Autonomous) စုပေါင်းပြီး ကွန်ဖူးသိုင်းကွက်တွေ ကစားပြခဲ့ပါတယ်။ စားပွဲတွေကို ခုန်ကျော်တာ၊ ၃ မီတာအမြင့်ထိ လေထဲဝဲပြီး ဂျွမ်းထိုးတာ၊ နံရံကိုကန်ပြီး နောက်ပြန်ဂျွမ်းထိုးတာတွေကို တစ်စက္ကန့် ၄ မီတာနှုန်းနဲ့ အမြန်ဆုံး လှုပ်ရှားပြသွားတာ ဖြစ်ပါတယ်။ ဒါ့အပြင် Noetix ရဲ့ စက်ရုပ်တွေက လူရွှင်တော်တွေနဲ့အတူ ဟာသပြဇာတ် ကပြခဲ့သလို၊ MagicLab စက်ရုပ်တွေကလည်း သီချင်းနဲ့အညီ ကခုန်ပြခဲ့ကြပါတယ်။

ဒီပွဲဟာ ဖျော်ဖြေရေးသက်သက် မဟုတ်ပါဘူး။ တရုတ်ရဲ့ စက်ရုပ်ဈေးကွက် လွှမ်းမိုးမှုကိုပါ ပြသလိုက်တာပါ။ Omdia ရဲ့ စစ်တမ်းအရ မနှစ်က ကမ္ဘာတစ်ဝန်း ရောင်းချခဲ့ရတဲ့ လူပုံစံစက်ရုပ် ၁၃,၀၀၀ ထဲမှာ ၉၀% က တရုတ်နိုင်ငံက ထုတ်လုပ်တာ ဖြစ်ပါတယ်။ Morgan Stanley ကလည်း ဒီနှစ်မှာ တရုတ်ရဲ့ စက်ရုပ်ရောင်းအားဟာ အလုံးရေ ၂၈,၀၀၀ အထိ နှစ်ဆတက်လာမယ်လို့ ခန့်မှန်းထားပါတယ်။ ဒါ့အပြင် Alibaba ကလည်း AI Agent ခေတ်အတွက် ရည်ရွယ်တဲ့ parameter ၃၉၇ ဘီလျံပါ Qwen 3.5 ကို မိတ်ဆက်ခဲ့သလို၊ ByteDance ကလည်း Doubao 2.0 နဲ့ ဗီဒီယိုထုတ်ပေးတဲ့ Seedance 2.0 ကို မိတ်ဆက်ပြီး အင်အားပြခဲ့ပါတယ်။

ဒီအခြေအနေတွေကို ကြည့်ပြီး Tesla ပိုင်ရှင် Elon Musk ကတောင် တရုတ်ကုမ္ပဏီတွေဟာ သူ့ရဲ့ အဓိကပြိုင်ဘက်တွေ ဖြစ်လာမယ်လို့ ဝန်ခံပြောကြားခဲ့ရပါတယ်။ သူက "တရုတ်ပြင်ပက လူတွေက တရုတ်ကို လျှော့တွက်နေကြတယ်၊ တကယ်တော့ တရုတ်က ass-kicker next level (အဆင့်မြင့်မြင့် ဖြိုခွင်းနိုင်စွမ်းရှိသူတွေ)" လို့ မှတ်ချက်ပေးခဲ့ပါတယ်။

Reference: Perplexity. (n.d.). Perplexity AI. https://www.perplexity.ai/discover/you/chinese-humanoid-robots-perfor-as5v18ozRGaAb69wjd.aZw

ဆက်စပ်ဖတ်ဖို့

တရုတ်ရဲ့ လူဆန်တဲ့ စက်ရုပ် ထုတ်လုပ်ရေးလုပ်ငန်းကို အီလွန်မက်စ်ခ် မျက်ခုံးလှုပ်

China has designated “embodied AI” as a priority technology for five years, offering free land, office space, and rent to encourage adoption.

Build Myanmar - MediaMin Z

Build Myanmar Media: Daily News - Sharing Myanmar's Important News Daily

Build Myanmar Daily News brings you the most crucial updates from Myanmar and around the world every day. An essential news source for Myanmar citizens who want to stay informed. Sign up now to get the latest insights directly to your mailbox from the Myanmar's No.1 Tech and Business News source. ? New updates every day before 9:00 pm, MMT. ? Read on:

Website: https://www.buildmyanmarmedia.com/
Facebook: https://www.facebook.com/buildmyanmar
YouTube: https://youtube.com/@buildmyanmarmedia
Telegram: https://t.me/+6_0G6CLwrwMwZTIx
Inquiry: [email protected]

#BuildMyanmarNews #DailyNewsMyanmar #MyanmarUpdates #MyanmarNews #BuildMyanmarMedia #MyanmarNews #GlobalNews #TechNewsMyanmar #BusinessNewsMyanmar #Updates #Insights #Media #MyanmarMedia